Dahil sa aking panata para sa Buwan ng Wika, kahit na ibig ko nang magsulat sa Ingles ay Tagalog pa rin ang aking gagamitin..hahaha :) Nakakatuwa ano? Para sa mga taong hindi mahilig magbasa ng Tagalog ay tila napaka-drama na ng mga sinusulat ko dito pero sa totoo lamang, sa tingin ko ay kung hindi dahil sa mga impluwensiya sa atin ng mga dayuhan, magiging ganito rin naman ang tono ng ating pananalita. Kaso lamang, wala. Taglish, Engalog o kaya naman..ang pa-sosyal na pagiging konyo ang kinalabasan nating lahat.

Napalayo ako, pasensiya na.

Ipod..hindi ito yung ginagamit para makinig ng mga kanta ah (I-pod yun eh). Para sa mga hindi nakakaalam, ang kahulugan ng salitang 'ipod' ay urong, o sa Ingles, move.

Halimbawa:
Umipod ka nga para maka-upo ako.

(Aah, yun pala yun, haha)

Dahil sa 3 araw na kawalan ng pasok, umipod na ng umipod ang aming iskedyul para sa terminong ito. Agosto 28 pa ang simula ng hulihang pagsusulit namin. Sa orihinal na plano ay wala na sana akong examin pagdating ng 25. Nakaka-badtrip ngunit mabuti na rin siguro na nawalan ng pasok. Mag-iisang linggo na akong hindi nakakatulog ng maayos dahil sa mga kailangan naming gawin para sa aming mga kurso. Sabaw na sabaw na ako. Pahinga na rin ito kahit papano. (At karma para sa mga taong ayaw magbigay ng palugit para sa mga ipapasang gawain..beh! :p)

Masaya ako dahil nandito na sa wakas ang aking pinsan galing sa San Francisco. Matagal na panahon ko na siyang hindi nakikita. Sa sobrang tagal ay ako na ang tumutungo sa kanya imbis na tumingala.

Maligayang Pagdating, Ate Pao :)

Mahabang bakasyon na rin ito kahit papano. Hindi ko nga lamang alam kung itutuloy ang klase namin para sa Finbank bukas. Ewan ko ba sa kanya.

Gusto kong magpasalamat (kilala nyo na kung sino kayo). Para sa mga salita na nagpapalakas ng loob, mga kwentuhan,argumento, tawanan o simpleng pagbabahagi ng mga pangyayari mga buhay buhay natin. Hindi ko man masabi o maipahiwatig ng maayos, lubos akong nagagalak at natutuwa sa inyong lahat.

Huling salita:
Masaya na ako sa ganito at hindi na ako nagpupumilit sa mga bagay gaya ng dati.
Umipod na tayo.
(We've moved on :p)